Аудан әкімі Ербол Жиенқұловтың тапсырмасына сәйкес, аудан аумағында кәмелетке толмағандар арасындағы құқық бұзушылықтың алдын алу мақсатында бірқатар іс-шаралар ұйымдастырылуда. Осы бағыттағы жұмыстар шеңберінде ауданның білім беру ұйымдарында ата-аналармен кездесулер мен түсіндірме жұмыстары өткізілуде. Іс-шараға аудан әкімдігінен, аудандық прокуратура өкілдері, аудандық мәслихат депутаттары, қоғамдық кеңес мүшелері, аудандық полиция бөлімінің қызметкерлері, ардагерлер кеңесі және білім бөлімі мамандары қатысты. Сонымен қатар, жиналысқа мектеп оқушылары мен олардың ата-аналары да қатысып, көтерілген мәселелер бойынша өз пікірлерін білдірді. Кездесу барысында кәмелетке толмағандар арасында кездесетін құқық бұзушылыққа себеп болатын негізгі факторлар, буллинг, кибербуллинг, ерте жүктілік, отбасылық зорлық-зомбылық сияқты өзекті мәселелер кеңінен талқыланды. Жиналыс соңында ата-аналар тарапынан қойылған сұрақтарға мамандар тарапынан нақты жауаптар беріліп, құқықтық және психологиялық кеңестер ұсынылды.